مسلم نوجوان اور انٹرنیٹ: وقت برباد یا کامیابی کی کنجی؟

آج کے اس ڈیجیٹل دور میں جہاں ہر شخص کے ہاتھ میں اسمارٹ فون ہے اور ہر گھر میں انٹرنیٹ کی سہولت موجود ہے، وہیں مسلم نوجوان کے لیے یہ سوال انتہائی اہم ہو جاتا ہے: “کیا ہم ان وسائل کو مثبت طریقے سے استعمال کر رہے ہیں یا صرف وقت ضائع کر رہے ہیں؟”

نوجوان اور انٹرنیٹ: ایک تشویشناک منظر

آج تقریباً ہر مسلم نوجوان کے پاس 1.5 سے 2 جی بی ڈیٹا روزانہ موجود ہوتا ہے، لیکن افسوس کے ساتھ کہنا پڑتا ہے کہ اس ڈیٹا کا استعمال زیادہ تر فلمیں، ڈرامے، انسٹاگرام ریلز، یوٹیوب پر کامیڈی ویڈیوز یا ٹک ٹاک جیسی ایپس پر ہو رہا ہے۔ یہ صورتحال نہ صرف وقت کا ضیاع ہے بلکہ ذہنی، روحانی اور جسمانی بربادی کی جانب بھی اشارہ کرتی ہے۔

وقت کا ضیاع کیوں

بے مقصد تفریح: مزاحیہ ویڈیوز اور فلموں کا حد سے زیادہ دیکھنا۔سوشل میڈیا کی لت: گھنٹوں اسکرولنگ، لائک اور فالو کے پیچھے دوڑ۔سستی اور کاہلی: عملی زندگی سے دوری اور مسلسل موخر کیے جانے والے کام۔

انٹرنیٹ: ایک نعمت یا زحمت؟

انٹرنیٹ اگرچہ بہت بڑی نعمت ہے، مگر اس کا استعمال انسان کے ہاتھ میں ہے۔ اگر مسلم نوجوان اس طاقت کو تعمیری کاموں میں استعمال کرے تو وہ نہ صرف اپنی زندگی بدل سکتا ہے بلکہ دوسروں کے لیے بھی مثال بن سکتا ہے۔

انٹرنیٹ کا مثبت استعمال کیسے ممکن ہے؟

• آن لائن تعلیم حاصل کریں:
  یوٹیوب، کورسیرا، اُڈیمی اور دیگر پلیٹ فارمز پر ڈیجیٹل مارکیٹنگ، ویب ڈیزائننگ، گرافک ڈیزائننگ، ویڈیو ایڈیٹنگ، اور دیگر کورسز آسانی سے دستیاب ہیں۔
• فری لانسنگ سیکھیں اور کمائی کریں:
  Fiverr، Upwork، Freelancer، PeoplePerHour جیسے پلیٹ فارمز پر اپنی خدمات بیچ کر گھر بیٹھے کمائی ممکن ہے۔
• اسلامی تعلیمات کو سیکھیں اور سکھائیں:
  احادیث، قرآن، اور دینی علوم کو سمجھ کر دوسروں تک پہنچائیں۔ اس سے آپ کا دنیا و آخرت دونوں سنور سکتا ہے۔
• پرسنل برانڈنگ کریں:
  اپنا یوٹیوب چینل، انسٹاگرام پیج یا بلاگ شروع کریں۔ دینی، تعلیمی یا تکنیکی موضوعات پر مواد تیار کریں۔

کئ کامیاب مسلم نوجوانوں کی مثالیں موجود ہیں

ایک مسلم نوجوان جنہوں نے یوٹیوب سے SEO سیکھا، کورسیرا سے سرٹیفکیٹ لیا اور اب ماہانہ 1500 ڈالرز کماتے ہیں۔ ان کی کہانی اس بات کی دلیل ہے کہ اگر نیت ہو تو انٹرنیٹ سے قسمت بدلی جا سکتی ہے۔

ایک اور مسلم نوجوان نے گرافک ڈیزائننگ سیکھ کر Fiverr پر کام شروع کیا۔ اور ہر ماہ لاکھوں روپے کما رہا ہے۔

والدین اور اساتذہ کا کردار

• مسلم نوجوان کی رہنمائی صرف حکومتی اداروں یا اسکولوں کی ذمہ داری نہیں بلکہ ہر والدین، بڑے بھائی، بہن اور استاد کی بھی ذمہ داری ہے کہ:
• وقت کی قدر سکھائیں۔
• انٹرنیٹ کے فوائد اور نقصانات بتائیں۔
• اچھے رول ماڈلز سے روشناس کرائیں۔
• ان کی کوششوں کو سراہیں اور حوصلہ دیں۔

10 عملی مشورے مسلم نوجوانوں کے لیے

• روزانہ کم از کم 1 گھنٹہ سیکھنے کے لیے مختص کریں۔
• ہر ہفتے ایک نئی مہارت پر توجہ دیں۔
• فضول ایپس کو ڈیلیٹ کریں۔
• یوٹیوب پر productive چینلز سبسکرائب کریں۔
• LinkedIn پروفائل بنائیں۔
• Fiverr یا Upwork پر اکاؤنٹ بنائیں۔
• کسی اچھے آن لائن گروپ یا کمیونٹی میں شامل ہوں۔
• نوٹ بک میں سیکھے گئے سبق لکھیں۔
• اسلامک کتابیں پڑھنے کا وقت مقرر کریں۔
• اپنے چھوٹے بھائی بہنوں کو بھی سکھائیں۔

انٹرنیٹ کے غلط استعمال کے نقصانات

• ذہنی الجھن: مسلسل اسکرین کے سامنے رہنے سے ذہن تھک جاتا ہے۔کمزوری اور سستی: جسمانی سرگرمی نہ ہونے کی وجہ سے صحت متاثر ہوتی ہے۔دینی بیزاری: وقت ضائع کرنے کی عادت سے دینی سرگرمیوں سے دوری۔احساس کمتری: دوسروں کی عیش و عشرت دیکھ کر احساس محرومی۔

وقت کی اہمیت – ایک اسلامی تناظر

قرآن میں اللہ تعالیٰ فرماتے ہیں:

“والعصر، ان الانسان لفی خسر”
قسم ہے وقت کی! بے شک انسان خسارے میں ہے۔

یہ آیت ہمیں یاد دلاتی ہے کہ وقت ضائع کرنے والے ہمیشہ نقصان میں رہتے ہیں۔ مسلم نوجوان کو چاہیے کہ اس عظیم نعمت کی قدر کرے۔

وقت ہے جاگنے کا

یہ مضمون ہر مسلم نوجوان کے ضمیر کو جھنجھوڑنے کے لیے لکھا گیا ہے۔ وقت تیزی سے گزر رہا ہے۔ جو نوجوان آج جاگ جائیں گے، وہی کل کامیاب ہوں گے۔ یہ وقت ہے کہ ہم اپنا وقت، انٹرنیٹ اور توانائی ان مقاصد کے لیے استعمال کریں جو دنیا و آخرت میں کامیابی کی ضمانت بن سکیں۔